चन्द्रागिरीका वडाध्यक्ष तामाङसहित दुई जनालाई ६ महिना कैद

इसमाद ५ महिना अगाडि

251 Views

चन्द्रागिरीका वडाध्यक्ष तामाङसहित दुई जनालाई ६ महिना कैद

6Shares

१५ माघ, काठमाडौं।

विशेष अदालतले काठमाडौंको चन्द्रागिरी नगरपालिका वडा नं. २ का अध्यक्षसमेत दुई जनालाई घूस लिइ भ्रष्टाचार गरेको मुद्दामा सजाय सुनाएको छ । मंगलबार विशेषले वडाध्यक्ष भाइकृष्ण तामाङ र घूसको तारतम्य मिलाउने धुर्व बहादुर कडायतलाई सजाय सुनाएको हो ।

विशेषका अनुसार तामाङलाई ६ महिना कैद र ४ लाख रुपैयाँ जरिवाना तोकिएको छ । घूसको तारतम्य मिलाउने कडायतलाई पनि उति नै कैद र जरिवानाको सजाय सुनाइएको छ । यस मुद्दामा विशेषका अध्यक्ष टेकनारायण कुँवर तथा सदस्यहरु रामबहादुर थापा र रितेन्द्र थापाको इजलासले फैसला गरेको हो ।

ललितपुर उपमहानगरपालिका वडा नं. २२ मा सञ्चालित एक उद्योग चन्द्रागिरीमा सार्नका लागि सेवाग्राहीसँग घूस लिएको पुष्टि भएपछि सजाय सुनाइएको हो । उर्मिला पाण्डेय तथा उनका साझेदारसँग वडाध्यक्ष तामाङले व्यवसाय स्थानान्तरणका लागि सिफारिस गरिदिन ४ लाख रुपैयाँ घूस मागेको अभियोग थियो ।

कडायतलाई अख्तियार दुरुपयोग अनुसन्धान आयोगले सेवाग्राहीसँग दुई लाख नगद लिइसकेको तथा बाँकी दुई लाखको चेक आफ्नो नाममा लिइसकेको अवस्थामा पक्राउ गरेको थियो । अनुसन्धानका क्रममा उक्त रकम वडाध्यक्ष तामाङले मागेको खुलेपछि अख्तियारले यसै वर्ष २० असारमा मुद्दा चलाएको थियो ।